Poliklinika Rejuvence, falë Departamentit të Stomatologjisë, ofron shërbime të kujdesit oral të specializuara për të gjithë familjen tuaj. Ne ofrojmë me profesionalizëm një kujdes dentar të plotë për pacientët tanë. Hapësira e shërbimeve specialistike stomatologjike në poliklinikën tonë është e plotë, duke përfshirë specialistë të Higjienës Dentare, Parodontologjisë, Ortodoncisë, Protezave Dentare dhe Implantologjisë. Specialistët tanë do t’ju ndihmojnë të keni një buzëqeshje të ndritshme dhe dhëmbë të shëndetshëm që do t’ju shoqërojnë për vite me radhë.

Poliklinika jonë ofron shërbime stomatologjike të një niveli të lartë cilësie përmes përdorimit të pajisjeve dhe teknologjisë së fundit, e cila na lejon të arrijmë standarde operacionale shumë të larta. Pasioni dhe transparenca me të cilën kryejmë punën tonë ditë pas dite na mundësojnë të ofrojmë shërbime të suksesshme për pacientët tanë.

Poliklinika Rejuvence është një strukturë e re që përfshin njësi operative moderne, me zona të dedikuara që garantojnë cilësinë dhe standardet më të larta për pacientët tanë. Poliklinika Rejuvence ka departamente të ndryshme dhe të ndara, si laboratori, radiologjia, sterilizimi, dhe recepsioni i dedikuar për komunikimin me pacientët, duke përfshirë Wi-Fi për përdorim të lirë të pacientëve tanë dhe shoqëruesve të tyre. Besueshmëria është e garantuar nga protokollet e rrepta të dezinfektimit dhe sterilizimit. Cilësia është e garantuar falë përdorimit të materialeve më cilësore në treg dhe laboratorit stomatologjik të avancuar.